剛從大陸返呢, 今次去左華強北同埋少林宮
我,Sit po, Candy同Kiko, 一行四人展開了個優閒既短Trip
琴日去左幫人整電腦, 多謝子鍵叔叔既仗義幫忙
哈哈, 如果唔係一定搞唔掂!!!!
成差唔多四點先出發, 坐火車北上大陸,
起華強行左陣, 原來無乜野好行, 結果行行下
搵左間好出名既雨花西餐廳 (環境好好既餐廳) 旁邊既卡啦OK
完成我地既晚飯同玩落, 因為每人食$38就可以免費唱兩個鐘
結果舒舒服服過了一晚....之後去左長安大酒店既骨場
試左個韓式既推油, 我重有人生第一次既拔火罐, 真係幾特別
不過感覺都幾好同唔貴!!! 平均每人二百蚊一晚啦
同上次瑪雅城比較, 雖然貴少少但好似好少少!!! 唔通真係一分$$一分貨
哈哈, 如果平平地, 呢個都係個好選擇!!!

之後同Sitpo傾計.....最後大家訓到中午才起身同埋沖涼
出番去先食!! 不過Candy起書見到個4D影院好似幾得意
所以坐地鐵去少年宮睇下係咩一回事, 結果令人都幾失望
完全唔係路, 真係用不知所謂來形容就差唔多!!!!
明白國貨真係與別不同~~行下食下野
又有起書城提升大家對睇書既興趣~真係好益智
而且大家都有買書睇,令到成個行程都充滿了意義

意義當然不只一個......明白多左
了解多左, 一切疑團也知道了!!!!!!



 
 

過了一個好開心的兩日一夜, 同埋終於可以成團啦~
由原本話去沙灘, 到尖沙咀或者博物館架....轉個頭
我, Mandy and Candy, 星期六下午就一齊返去玩下食下野....
估唔到東門真係好多野睇, 我地睇完又睇....
我就買左條皮帶, 同埋Michael Jackson DVD
Mandy就買左黑鞋同其他小飾物, 至於Candy就買左隻錶
真係各取所需, Good~~

至於晚餐, 又平又好食,食左pizza, 意大利粉,同肉腸
加埋兩杯cocktail, 三個人都係食左$63蚊JA!!!
哈~超底食~!! 之後繼續行街, 成個東門都行完又行
跟住過番羅湖地鐵附近既瑪雅城鬆一鬆
雖然有些小插曲, 不過最後都算解決左
泰式按摩連推油其實都唔係好貴, 7折左之後加埋小費訓一晚都係$200蚊到
真係幾舒服, 按完之後番香港重可以做運動加埋上單車班
同埋更加開始我之後既運動生活, 結果更一個星期都成日上Class去操練下
趁宜家青春既時候, 應該操多D, 唔好衰俾人睇
起呢排既空檔, 最好番去做GYM同埋玩下Class!!!

義勇群英之毒蛇風暴 G.I. Joe: Rise of Cobra

今日一早去左數碼港睇左新戲
正到爆, 特技超勁!!!! 完全滿足視聽既享受
睇完乜都或番晒~

下午又去睇package, 旅行團,自遊行都有考慮
見到好多熟口熟面既地方, 又見到長隆....不過應該唔會去啦
但係時間先係main point, 希望最後兩日一夜可以成團
宜家返深圳都無所謂架啦

另外去左穿耳, 諗左好耐架啦
最近又想試下新野, 同埋感覺好似人都精神D
起旺角新之城揀左間, 收30蚊一對....而穿果陣好似捐血PARK手指咁
之後就Keep住少少陣痛, 即係痛下又唔痛
用來親衫都應該唔錯既, 識目以待!!!

另外聽晚可以見到ICF既朋友仔
好耐無見, 5年後的今個暑假, 唔知大家最近點呢
Hope to see you all~ 

再續前緣

足足有一年沒有update xanga, haha, 突然之間有衝動去Keep住個Weblog, 唔想失去xanga. 過去一年, 經歷了唔少事情, 包括入左PCCW做Customer Service(不過宜家已經無做啦, 哈…又要搵工了), 因為番工而錯過清遠交流團. 又有加入California Fitness呢個大家庭, 識到一班好好的同事(Stephen, Monique, Popo, Candy, Cyndi, Kiko, Mandy, Chris, Desmond…..), 大家更成為海洋公園的忠實FANS!!! 重有經歷了一年的Degree生活, 正確黎講係上堂做功課的生活. 經過密集的訓練, 我相信我最大的得著係開始識去做功課同寫論文, 例如點樣去做好份功課, 陪養對睇書的興趣, 因為我的主科係Social Science, 所以我覺得咩書都有值得學習的地方, 如果有時間, 最好唔同既書都睇下, 哈!! 所以買書開始成為我生活的一部分, 隨著不斷加快睇書所需的時間. 真的不得不多謝悉心指導我的KK 老師, 老實講, 我覺得我的成績或者成就絕對係歸功於師生的提點. 如果唔係既話, 我一定唔會花好咁時間起功課或者書本上, 也不會有那麼多的得著. (我重記得起第一個Phrase, 我成日比人批評去左番工 PCCW + California Fitness, 結果得番好少時間做功課同溫習. 我的好勝心激發起我功課上努力的決心, 唔可以衰俾人睇. 圖書館同同學仔一齊努力的日子雖然不多, 但足令我們獲益良多, 學識用圖書館的一切, 哈, 成績就當然不用多說啦!!!

在今個暑假, 七月交晒功課之後, 終於可以過一個慢長的暑假直到搵到新工為止, 哈, 生活總是輕鬆的, 現時主要係睇書同埋睇戲....得閒就搞下個履歷, send去搵下工. 希望可以快D搵到工啦!!!

Recently watching:
TV Series 24 Season 7
Books: Too many...haha!!! 因為唔同地方會睇唔同既書...有林燕妮, 黎智英...同埋睇緊"把妹達人"

泰國之旅 22/5/2007 ~ 26/5/2007 Day 1

未出發先興奮, 一行六人Tommy,Nick,Jerry,Rosan同Sandra去左何暉屋企睇歐聯決賽, 而我同Tommy都有買波, 好彩最後都錢贏. 連加時也來不及看, 帶著半疲累的身軀一早五點坐的士去機場, 一邊聽住最新消息, 一邊期待今次的旅行. 唔知今次的團友係點呢, 因為我好耐無參加過旅行團.

到達機場, 終於知道曼聯十二碼贏車仔, 大家都好開心!!!! 不過只係開心左一陣, 就開始擔心關鍵係唔係開老人院架, 見到周圍的團友都係上左年紀的, 唔通關健係關懷健全老人既? 雖然係有成四十八個團友, 不過我地只能一次又一次失望, 突然起度諗宜家得上年紀既先去泰國? 最後無耐如何都要接受呢個事實…..而領隊出發前講到每人要帶幾千蚊先夠用, 不過我只有1000蚊, 真係唔知點算好??

    

今次只需要坐三個多小時便到達泰國, 食完個唔好食的飛機餐, 訓一陣就到了.
到了當地後,去左行商場,超市….不過大家都好累, 好快就去左食飯, 第一餐以經係唔arm我地的胃口, 而個所謂的商場也不太吸引. 其後就出發芭提雅, 其間齊齊大訓覺, 之後去了一個叫老虎仔樂園的地方, 主要睇下唔同的動物同埋係同佢地影相. 不過我唔係好鍾意呢種對待動物的行為, 所以都唔想俾$$同動物影相. 還有個景點是多麼的人工去造出來的, 不過個感覺就好一般, 一點也不吸引~~

   
 

頭兩晚入住的Grand Central Pattaya Hotel, 聽起來都幾好聽, 去到先知道這是間連酒店都不如的地方, 不禁”唉”一聲. 而且也到間房係好似乜都無咁, 算數吧. 食完個唔多好食的晚餐後, 就出左去行夜市, 兩個多鐘頭的時間, 俾我地行左好多地方,商場, 路邊的地方, 同埋係Starbuck, McDonald都有去參觀. 而且重試左好出名的芒果燸米飯, 本人覺得係唔錯的, 芒果都多汁,又夠甜, 飯的口感都唔錯, 差唔多兩個人的分量, 都只係70泰硃. 第一日行程到此為止.